ललितपुर, जेठ १५ । किष्ट अस्पतालमा बुधबार कोरोना संक्रमणका कारण मृत्यु भएका ५७ वर्षिय पुरुषको अन्त्येष्टि गरिएको छ । उनको अन्त्येष्टि पशुपति आर्यघाटस्थित विद्युतीय शवदाह गृहमा गरिएको छ ।
शव व्यवस्थापन गर्न एन्फामा रहेको कोभिड एम्बुलेन्ससहितको टोली किष्ट अस्पताल गएको थियो । पशुपती विकास कोषको ट्रकलाई मोडीफाइड गरेर राजदल गणले शब बहानको रुपमा प्रयोग गरिएको छ ।
उनको शवलाई कोभिड–१९ का कारण मृत्यु भएका व्यक्तिहरुको शव व्यवस्थापन सम्बन्धी संक्षिप्त कार्यविधि, २०७६ अनुसार सुरक्षित रुपले दाहसंस्कार गरिएको सेनाले जनाएको छ ।
नेपाली सेना राजदल गणका प्रमुख सेनानी उत्तम सापकोटा, महानगरीय प्रहरी परिसर भक्तपुरका एसपी सविन प्रधान, महानगरीय प्रहरी वृत्त सातदोबाटोका डीएसपी मित्रबन्धु शर्मासहितको सुरक्षाकर्मीको टोली र शव व्यवस्थापनका लागि उद्धार टोली किष्ट अस्पताल पुगेका थिए ।
दाहसंस्कारमा सहभागीहरुले मास्क लगायत कोरोना संक्रमणबाट जोगिन पिपिइ लगायतका उपकरण लगाएका थिए ।
ललितपुर महानगरपालिका २२ बुंगमतीका ५७ वर्षीय पुरुषको किस्ट अस्पतालमा कोरोना संक्रमणका कारण बुधबार साँझ निधन भएको थियो ।
यो पनि पढ्नुहोस
कोरोनाबाट मृत्यु भएका ललितपुरका ५७ वर्षीय व्यक्तिको यसरी हुँदैछ अन्त्येष्टि
ललितपुरमा मृत्यु भएका ५७ वर्षीय पुरुषमा कहाँबाट सर्यो कोरोना ? किस्ट अस्पतालको भवन सील
