ललितपुर । ललितपुरको गोदावरी नगरपालिकामा अख्तियार दुरुपयोग अनुसन्धान आयोग र नेपाल प्रहरीले संयुक्तरुपमा छापा हानेका छन् ।
प्रमुख प्रशासकीय अधिकृत कृष्णप्रसाद जैशी र ओभरसियर किशोर मोक्तानले सेवाग्राहीसँग रकम लिँदालिदै अख्तियारले छापा हानेको थियो । अख्तियारको टोलीलाई थप मद्यतको लागि महानगरीय प्रहरी वृत्त चापागाउँका प्रहरी निरीक्षक राजेन्द्र थापाले टोली पनि गोदावरी नगरपालिकामा गएको छ ।
अहिले नगरपालिका कार्यालय सिल गरेर अनुसन्धान भइरहेको छ । अख्तियार र प्रहरीको संयुक्त टोलीले कागजात नियन्त्रणमा लिएर अनुसन्धान गर्ने तयारी गरेको प्रहरीले जनाएको छ ।
अख्तियार दुरुपयोग अनुसन्धान आयोगका प्रवक्ता एवंं सूचना अधिकारी तारानाथ अधिकारी अनुसार सेवाग्राहीसँग १ लाख ५० हजार घुस लिइरहेको अवस्थामा रंगे हात नियन्त्रणमा लिएको जानकारी दिए । अख्तियारले जैसीको साथबाट ६० हजार र मोक्तानको साथबाट ४० हजार नगदसमेत बरामद गरेको स्रोतले बतायो । गोदावरी नगररपालिका भित्र निर्माणाधिन भ्यूटार निर्माण गर्नेसँग उक्त रकम माग गरेको स्रोतको दाबी छ ।
यसअघि नगरपालिकाको वडा नं १० को डाँडागाउँको जग्गा प्लटिङमा अनियमितता भएको भन्दै अख्तियारमा उजुरी परेको थियो । कार्यकारी अधिकृत जैसीले परिवारका नाममा वडा नम्बर १०, डाँडागाउँको प्लटिङको जग्गा पास गराएका छन् । कमिशन स्वरुप दुई कित्ताको ९ आना जग्गा कार्यकारी अधिकृत जैसीले छोरी र श्रीमतीको नाममा पास गराएको भन्दै अख्तियारमा उजुरी परेको थियो । यद्यपी जैसीले आफ्नो कमाईबाट जगा पास गरेको दैनिकीन्युजलाई बताएका थिए ।
यो पनि पढ्नुहोस
गोदावरीका प्रशासकीय अधिकृतविरुद्ध उजुरी, अख्तियारले छानविन थाल्यो
