ललितपुर । शनिबार ललितपुरमा एक जना कोरोना संक्रमित भेटिएको छ । स्वास्थ तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले यसको पुष्ट गरेका हुन् ।
शनिबार देखिएका संक्रमितमा ललितपुर महानगरपालिकाका वडा नं. ५ का ४४ वर्षिय पुरुष रहेको स्वास्थ्य कार्यालय ललितपुरले जनाएको छ ।
योसँगै ललितपुरमा हालसम्म ८७ जना कोरोना संक्रमित पुगेको छ, जसमध्ये महिला ३७ जना र पुरुष ५० जना रहेका छन् ।
ललितपुरको बुंगमतीमा ५७ वर्षिय पुरुष र टीकाथलीमा ५० वर्षिय पुरुषको निधन भएको छ ।
