काठमाडौं । स्रोत नखुलेको करिब २० लाख रकमसहित एक व्यक्ति पक्राउ परेका छन् । अपराध महाशाखाको टोलीले काठमाडौं महानगरपालिका २४ स्थित विशाल बजारबाट स्याङ्जा जिल्लाको कालीगण्डकी– ४० वर्षका ढुन्डीराज न्यौपानेलाई पक्राउ गरेको हो ।
उनको साथबाट १९ लाख ९१ हजार रुपैयाँ बरामद गरिएको प्रहरीले जनाएको छ । हुण्डिको कारोवार गरिएको बिवरण सहित आज पक्राउ गरी प्रारम्भिक अनुसन्धान पश्चातः थप अनुसन्धान तथा कारवाहीको लागि राजश्व अनुसन्धान विभाग हरिहर भवन पुल्चोक ललितपुर पठाइने अपराध महाशाखाले जनाएको छ ।
काठमाडौं उपत्यका भित्र गैरकानुनी तवरले हुण्डीको कारोवार गरी राजश्व छली गरेको उनीमाथि आरोप छ ।
