काठमाडौं । बालाजु वृत्तका कार्यरत एक प्रहरीमा कोरोना देखिएको छ । वृत्त बालाजुमा अपराध अनुसन्धान तथा कारवाही शाखाका कार्यरत प्रहरी निरीक्षकसहित ५६ जनाको असार २४ गते नेपाल प्रहरी अस्पताल महाराजगंजमा पिसिआर परीक्षण गरिएको थियो ।
५६ जनाको परीक्षण गर्दा मुद्धा शाखाका एक प्रहरी निरीक्षकको रिपोर्ट असार २६ गते पोजिटिभ आएको प्रहरी उच्च स्रोतले दैनिकीन्युजलाई बतायो । उनी हाल एपीफ हस्पिटल बलम्बुको आइसोलेसनमा रहेका छन् । स्वास्थ्य अवस्था सामान्य रहेको छ ।
५४ वर्षिय प्रहरी निरीक्षकको स्थायी घर गोरखा जिल्ला भिमसेन थापा गाउँपालिका वडा नं. ८ घर भई हाल काठमाडौंं जिल्ला, टोखा नगरपालिका वडा नं. ११ का निवासी हुन । उनको हालको दरबन्दी महानगरीय प्रहरी वृत्त वालाजुमा रहेको छ ।
