काठमाडौं । गण्डकी प्रदेशमा २० जना कोरोना भाइरस कोभिड(१९ का संक्रमित थपिएका छन् ।
पोखरा स्वास्थ्य विज्ञान प्रतिष्ठान, क्षयरोग उपचार केन्द्र, जनस्वास्थ्य प्रयोगशाला हैटौंडा र भरतपुर अस्पतालमा भएको परीक्षणबाट थप २० जनामा कोरोना पुष्टि भएको हो ।
गण्डकी स्वास्थ्य निर्देशनालयका निर्देशक डा. विनोदविन्दु शर्माका अनुसार नयाँ संक्रमितमा लमजुङका ५, कास्की, नवलपारासी पूर्व सुस्तामा ४/४, गोरखा, म्याग्दीका २/२ र तनहुँका १ जना रहेका छन् ।
नवलपरासी पूर्व सुस्ताका संक्रमितलाई आइसोलेसन कक्षमा राखिएको छ । अन्य जिल्लाका संक्रमितलाई पनि आइसोलेसनमा लैजाने तयारी भइरहेको स्वास्थ्य निर्देशक डा. शर्माले जानकारी दिए ।
योसँगै गण्डकीमा संक्रमितको संख्या १ हजार १ सय ४९ पुगेको छ । प्रदेशमा अहिलेसम्म ३ सय ८६ जना संक्रमण मुक्त भएका छन् ।
