ललितपुर । ललितपुर जिल्ला, ललितपुर महानगरपालिका वडा नं. २७ मा एक जना महिलामा कोरोना भाइरस (कोभिड–१९) संक्रमण भेटिएको छ ।
सुनाकोठी ओखड स्थायी घर भएका वर्ष ३२ की महिला कोरोना पोजिटिभ देखिएको स्वास्थ्य कार्यालय स्रोतले बतायो । ती महिला मेडिसिटी हस्पिटल नख्खुमा नर्सका रुपमा कार्यरत रहेका छन् । उनको स्वास्थ्य अवस्था अहिले सामान्य रहेको छ ।
ती संक्रमित महिलाको असार १९ गते स्वाब संकलन गरी परीक्षण गर्दा आज पोजिटिभ देखिएको हो ।
