बारा । विगत ११ वर्षदेखि फरार अभियुक्त तिलक भन्ने नन्दु बैठा पक्राउ परेका छन ।
वैठा आफ्नो घरमा लुकीछिपी बसेको विशेष सुराकीको आधारमा आज विहान जिल्ला प्रहरी कार्यालय बाराबाट खटिएको प्रहरी टोलीले पक्राउ गरेको हो ।
जिल्ला अदालत बारामा मुलतबि रहेको मुद्धाका फरार रहेका बैठाले शिक्षक प्रदिप कुमार तिमिल्सीनाको हत्यामा संलग्न अभियुक्त मध्ये मुख्य अभियुक्त रहेको जिल्ला प्रहरी कार्यालय बाराका प्रवक्ता डीएसपी गौतम मिश्रले जानकारी दिए ।
यस्तो छ घटना विवरणः
२०६६ साल बैठक १७ गते बिहानको समयमा जिल्ला बारा साबिक फेटा गाविस वडा नं. १ रहेको नेपाल राष्ट्रिय माध्यमिक विद्यालय फेटाका शिक्षक प्रदिप कुमार तिमिल्सीनालाई विधालयबाट घर फर्किने क्रममा तिलक भनिने नन्दु बैठा, अग्नि भनिने सुनिल जैसवाल, बिजय पटेल र रामनारायण सहनी समेतले गोली प्रहार गर्दा शिक्षक तिमल्सिनाको घटनास्थनमा नै मृत्यु भएको थियो । कर्तव्य ज्यान मुद्दाका मुख्य अभियुक्त बैठा हालसम्म फरार रहेका थिए ।
दुई जना जेल, बैठा फरार थिए
बारा जिल्ला गंजभवानीपुर वडा नं. ३ बस्ने सुनिल जैसवाल (अग्नि) लाई २०७० साउन २४ गते र फेटा–१ बस्ने बिजय पटेललाई २०७३ पुस ५ गते पक्राउ गरी अनुसन्धान पश्चात बारा जिल्ला अदालतमा पेश गरिएकोमा जैसवाललाई सर्वस्वसहित जन्म कैद हुने ठहरी फैसला भएको र बिजय पटेल मुद्दा पुर्पक्षमा कारागार कार्यालय बिरगंजमा रहेका छन् । बैठा कर्तव्य ज्यान मुद्दाका मुख्य अभियुक्त बैठा हालसम्म फरार रहेका थिए ।
