काठमाडौं । गण्डकी प्रदेशका ७ जिल्लामा थप ५८ जना कोरोना संक्रमित फेला परेका छन् ।
तनहुँमा २५, नवलपुरमा १६, बाग्लुङमा ८, गोरखामा ५, कास्कीमा २ तथा म्याग्दी र स्याङ्जामा १–१ जनामा कोरोना संक्रमण पुष्टि भएको हो ।
यससँगै अब गण्डकी प्रदेशमा संक्रमितको संख्या ४ सय ३८ पुगेको स्वास्थ्य निर्देशनालयले जनाएको छ ।
संक्रमित सम्बन्धित पालिकाको क्वारेन्टाइनमा रहेकाले उनीहरुलाई जिल्लामा रहेका आईसोलेसन कक्षमा लैजाने तयारी भइरहेको पनि स्वास्थ्य निर्देशनालयले जारी गरेको विज्ञप्तीमा जनाइएको छ ।
