ललितपुर । ललितपुरको पाटन अस्पतालमा राखिएका एक जनामा कोरोना संक्रमण पुष्टि भएको छ । भारतबाट जेठ २५ गते नेपाल फर्किएका ५२ वर्षीय पुरुषमा गरिएको पीसीआर परीक्षणमा संक्रमण पुष्टि भएको अस्पताल स्रोतले जनाएको छ । उनको आइतबार रिपोर्ट आएको थियो । हाल अस्पतालको आइसोलेसनमा उपचाररत काठमाडौं नयाँ बानेश्वरका ती व्यक्तिको स्वास्थ्य अवस्था सामान्य रहेको अस्पतालले जनाएको छ ।
पाटन हस्पिटलको कोभिड वाडमा ७ जना कोरोना संक्रमितको उपचार भैरहेको हस्पिटलका निर्देशक प्रा. डा. विष्णु शर्माले जानकारी दिए । उनका अनुसार आइतबार पाटन हस्पिटलमा दुई जना कोरोना संक्रमित निको भई घर फर्किएका र दुई जना आइसोलेसन वार्डमा भर्ना भएका छन् ।
