काठमाडौं । स्वतःस्फुर्त रुपमा लकडाउनको अवज्ञा हुन थालेपछि सरकारले आज (बुधबार) लकडाउनको नयाँ मोडालिटी तय गर्ने भएको छ । त्यसबारे निर्णय गर्न दिउँसो २ बजे मन्त्रीपरिषद् बैठक डाकिएको एक मन्त्रीले जानकारी दिए ।
ती मन्त्रीका अनुसार लकडाउनलाई केही खुकुलो पार्न सक्ने संभावना छ तर, दैनिक रुपमा संक्रमित बढ्न गएकोले कसरी खुकुलो पर्न सकिन्छ भन्ने मोडल तय क्याविनेट बैठकले गर्नेछ ।
मन्त्रीपरिषद् बैठकअघि प्रधानमन्त्री केपी शर्मा ओलीले संसदमा सम्बोधन गर्ने तय भएको छ । सभामुख अग्नि सापकोटाका प्रेस सल्लाहकार श्रीधरी न्यौपानेले दिएको जानकारी अनुसार संसद बैठकको सुरुमै प्रधानमन्त्री ओलीले सम्बोधन गर्नेछन् ।
सोमबार र मंगलबारको प्रतिनिधिसभाको बैठकमा सांसदहरुले कोरोना संक्रमणको नियन्त्रण गनृ सरकार असफल रहेको, क्वारेन्टिनमा बसेकाहरुको परीक्षण नभएको भन्दे सरकारको जवाफ माग गरेका थिए ।
प्रधानमन्त्रीले जवाफ दिन लागेका हुन् । त्यसपछि मन्त्रीपरिषद् बैठक बसेर लकडाउनबारे नयाँमोडालिटी तय हुनेछ ।
आजको मन्त्रिपरिषद् बैठकले अब लकडाउन कस्तो बनाउने, कहिलेसम्म लम्ब्याउने भन्ने विषयमा समेत निर्णय गर्ने ती मन्त्रीले जानकारी दिएका छन्।
