ललितपुर । नेपाली कांग्रेसको पदाधिकारी र केन्द्रीय सदस्यतर्फ मतगणना आजै (बुधबार) बाट सुरु हुने भएको छ। बुधबार बिहान सभापतिमा शेरबहादुर देउवा निर्वाचित भएका छन् । निर्वाचन समितिले आजदेखी अन्य पदको मतगणना सुरु गरेर पुस ५ भित्र नतिजा सार्वजनिक गर्ने जनाएको छ । मतगणना काङ्ग्रेस पार्टी कार्यालय सनेपामा हुनेछ ।
मतदान भएकै दिन मंसिर २७ गते नै सभापति बाहेकको मतपत्र भएको बाकस सानेपा लगिएको छ ।
काङ्ग्रेसमा अब २ उपसभापति, २ महामन्त्री, ८ सहमहामन्त्री र अन्य केन्द्रीय सदस्य गरी जम्मा १३३ जना निर्वाचित हुनेछन्। यस्तै सदस्यतर्फ खुलामा ३५ जना, महिला ९ जना, हरेक प्रदेशबाट एक महिलासहित ३ जना, दलित ४ महिलासहित ९ जना, आदिवासी जनजाति ७ महिलासहित १५ जना, खस आर्य ६ महिलासहित १३ जना, मधेसी ४ महिलासहित ९ जना, थारु २ महिलासहित ४ जना, मुस्लिम १ महिलासहित ३ जना, पिछडिएको क्षेत्र १, अल्पसंख्यक १, अपांगता भएका १ जना चुनिने छन्। दुई उपसभापतिका लागि ७, ८ महामन्त्रीका लागि ६ जनाको उमेदवारी परेको छ। केन्द्रीय सलस्यतर्फ भने प्रदेश २ बाट केन्द्रीय सदस्यका २ कोटामा भने २ जनाको मात्र उम्मेदवारी परेकाले उनीहरू निर्विरोध हुनेछन्।
