काठमाडौं । नेकपा एमाले औपचारिक रुपमा विभाजनको अवस्थामा पुगेको छ । प्रधानमन्त्री एवम् अध्यक्ष केपी शर्मा ओलीले माधवकुमार नेपालसहित उनका पक्षका नेताहरू बाइकट गर्दै स्थायी कमिटी गठन गरेपछि एमालेको विभाजन रोक्न नसक्ने अवस्थामा पुगेको हो । बालुवाटारमा शुक्रबार बसेको दसौं महाधिवशेन आयोजक कमिटी बैठकले स्थायी कमिटी गठन गरेको थियो । माओवादीबाट आएका नेताहरूलाई समेत समेटेर स्थायी कमिटी गठन गरिएपनि स्थायी कमिटीमा झलनाथ खनाल-माधवकुमार नेपाल पक्षका नेता भने राखिएका छैनन् । एक केन्द्रीय सदस्यका अनुसार स्थायी कमिटी सदस्यमा केपी ओली, वामदेव गौतम, ईश्वर पोखरेल, रामबहादुर थापा , विष्णु पौडेल, सुवास नेम्वाङ, शंकर पोखरेल, प्रदीप ज्ञवाली, लेखराज भट्ट, टोपबहादुर रायमाझी,सत्यनारायण मण्डल, विष्णु रिमाल, छविलाल विश्वकर्मा, पृथ्वीसुब्बा गुरुङ, रघुवीर महासेठ, केशव बडाल, मणि थापा र पुष्पराज कँडेल रहेका छन् । बाँकी सदस्यहरु पछि थप गर्ने निर्णय पनि बैठकले गरेको छ ।
