ललितपुर । ललितपुरमा आइतबार एकैदिन ८९ कोरोना संक्रमित थपिएका छन् । स्वास्थ्य कार्यालय ललितपुरले दिएको जानकारी अनुसार थप भएका संक्रमितमा ४० महिला र ४९ पुरुष रहेका छन् ।
सबैभन्दा बढी ललितपुर महानगरपालिकामा ६७ जनालाई कोरोना संक्रमण भएको आइतबार पुष्टि भएको छ । यसैगरी महालक्ष्मी नगरपालिकामा १७ र गोदावरी नगरपालिकामा ६ जनालाई संक्रमण पुष्टि भएको स्वास्थ्य कार्यालयले जनाएको छ । आइतबार ललितपुरको कोञ्जोसोम गाउँपालिकाकी एक महिलालाई कोरोना भएको छ । ललितपुरमा हालसम्म कोरोनाबाट २१ जनाको मृत्यु भएको छ । यस्तै हालसम्म जिल्लामा सक्रिय संक्रमित ८ सय ३२ रहेका छन् ।
