काठमाडौँ । सत्तारुढ दल नेपाल कम्युनिस्ट पार्टी (नेकपा) स्थायी कमिटीको बैठक आगामी भदौ २६ गते बस्ने भएको छ ।
प्रधानमन्त्री तथा नेकपा अध्यक्ष केपी शर्मा ओलीका प्रेस सल्लाहकार सुर्य थापाले भदौ २६ गते स्थायी समिति बैठक बोलाएको जानकारी दिए ।
गत साउन १३ गतेबाट स्थगित बैठक ४० दिनपछि भदौ २६ गते बोलाउने सहमति भएको थापाले जानकारी दिएका हुन् ।
गत असार १० गतेदेखि शुरु भएको स्थायी कमिटी बैठकमा पार्टी अध्यक्ष एवम् प्रधानमन्त्री ओलीले दुवै पदबाट राजीनामा दिनुपर्ने आवाज उठेपछि नेकपाभित्रको विवाद चर्किएको थियो ।
आन्तरिक विवाद चुलिँदै गएपछि पटक पटक स्थगित हुँदै आएको स्थायी कमिटी बैठक साउन १३ गते यता बस्न सकेको छैन ।
