ललितपुर । ललितपुरमा मंगलबार थप ४५ जना कोरोना संक्रमित थपिएका छन् ।
ललितपुर महानगरपालिका, महालक्ष्मी र गोदावरी नगरपालिकाका विभिन्न स्थानका ४५ जनामा कोरोना पोजिटिभ देखिएको स्वास्थ्य कार्यालय ललितपुरले जनाएको छ । तिनीहरुमध्ये १८ महिला र २७ पुरुष रहेका छन् ।
पछिल्लो दिन संक्रमितको संख्या बढीरहेको ललितपुर महानगरपालिकाका १३ महिला, १७ पुरुष गरी जम्मा ३० जनामा कोरोना पुष्टि भएको छ ।
यस्तै महालक्ष्मी नगरपालिकाका ६ जना पुरुष, ५ जना महिला गरी ११ जना र गोदावरी नगरपालिकामा ४ जना पुरुषमा कोरोना पोजिटिभ देखिएको छ । उनीहरुको स्वास्थ्य अवस्था सामान्य रहेको छ ।
योसँगै ललितपुर जिल्लामा कोरोना संक्रमितको संख्या ५३२ पुगेको छ, जसमा पुरुष ३११ जना र महिला २२१ जना रहेका छन् ।
