बारा । बाराको जितपुरसिमरा उपमहानगरपालिकाको प्रमुखमा नेकपा (माओवादी केन्द्र) का उम्मेदवार राजन पौडेल निर्वाचित भएका छन् ।
सत्तारुढ अरु दलको पनि समर्थन पाएका पौडेलले १८ हजार ७४३ मत ल्याए भने उनका निकटतम प्रतिस्पर्धी नेकपा (एमाले) का उम्मेदवार सरस्वती चौधरीले १७ हजार ७७९ मत पाइन् ।
यस्तै लोसपाको मेयर उम्मेदवार सञ्जय साहले ५ हजार ३८२ मत ल्याएका छन् ।
उपप्रमुखमा भने एमालेका उम्मेदवार निर्वाचित भएका छन् । उपमेयरमा एमाले उम्मेदवार भोला अधिकारी १७ हजार ४९२ मत ल्याएर निर्वाचित भए । उपमेयरमा सत्ता गठबन्धनको तर्फबाट उम्मेदवार रहेकी नेपाली काङ्ग्रेसकी मेघा शाही १५ हजार ८४२ मत मात्र ल्याएकी छन् ।
लोसपाको तर्फबाट उपमेयर उम्मेदवार बिपी मोक्तानले ५ हजार २७ मत पाए ।
