ललितपुर । होटल तथा रेस्टुरेन्ट एसोसिएसन गोदावरीमा नयाँ कार्यसमिति सर्वसम्मत रुपमा चयन भएको छ ।
आज ललितपुरको गोदावरी गार्डेन भ्यूमा भएको पहिलो साधारण सभाले राज घिमिरेको नेतृत्वमा ७ सदस्यीय नयाँ कार्य समिति गठन गरेको हो ।
एशोसिएसनको उपाध्यक्षमा राजाराम सिलवाल, सचिवमा सरोज आचार्य, कोषाध्यक्षमा सुमन पुरी, सदस्यहरुमा रिबम बहादुर मगर, प्रविन थापा र सविन नगरकोटी रहेको अध्यक्ष राज घिमिरेले जानकारी दिए ।
होटल, रेष्टुरेन्ट व्यबसाय अहिले कोभिडको ठूलो मारमा परेको छ, त्यसको समग्र विकासको लागि प्रतिबद्ध रहेको नवनिर्वाचित अध्यक्ष राज घिमिरेले बताए । उनले भने, ‘गोदावरी नगरपालिका भित्र रहेको होटल, रेष्टुरेन्टहरुको हक, हित अनि अधिकारको पक्षमा लडिरहने छु ।’ गोदावरी नगरपलिका पर्यटकीय नगर भएको घिमिरेले बताए ।
