काठमाडौं । एक महिनामा बाढी र पहिरोमा परेर नेपालमा २ सय ६६ जनाको मृत्यु भएको छ । मुलुकभर जारी अविरल वर्षाकै कारण ठाउँ ठाउँमा गएको पहिरोमा परेर ९८ जना बेपत्ता भएको प्रहरीले जनाएको छ । जेठ ३० गते मनसुन सुरु भए यता भएको लगातारको वर्षाका कारण देशमा विभिन्न भूभाग बाढी, पहिरो र डुबानमा परेर ९९ जना घाइते भएका छन् ।
वर्षा र त्यसले गएको पहिरोमा परेर २८२ भन्दा बढी घरहरू पूर्ण रुपले क्षतिग्रस्त भएका छन् । लगाातारको वर्षाले तराईका विभिन्न भूभागहरू डुबानमा परेका छन् । राजमार्ग र अन्य सडक तथा पुलहरु क्षतिग्रस्त हुँदा आवागमन अवरुद्ध भएको छ । सयौँ परिवार घरबार विहीन र विस्थापित भएको प्रहरीले जनाएको छ । अविरल वर्षाले क्षति पु¥याएको भन्दै सत्तारुढ नेकपाले पनि स्थायी कमिटीको बैठक एक हप्ताका लागि स्थगित गरेको छ ।
