काठमाडौं । गत राति आएको भीषण बाढीले सिन्धुपाल्चोकको बाह्रबिसे नगर जातिको जम्बु बजार बगाएको छ भने २ शब प्राप्त भएको छ ।
राति ११ बजेबाट भोटेकोशी र ठाडोखोलामा आएको बाढीले ठूलो क्षति पुगेको छ । बजारमा रहेको पुल चुर्लुम्मै डुबेको छ । १४ घरका १९ बेपत्ता रहेको र उनीहरुको खोजी कार्य थालिएको प्रहरीले जनाएको छ ।
बाढीले खाटचौर भन्ने स्थानमा अरनिको राजमार्गको पक्की पुल समेत बगाएको छ भने बस्तीमा क्षति पु-याएको छ । जम्बो भन्ने स्थानमा आएको बाढीले ८ भन्दा बढी घर बगाएको छ । सबैभन्दा बढी सोही स्थानमा मानवीय क्षति भएको हो ।
जम्बु निवासी २० वर्षिय निकेश बस्नेत र उनको तीन वर्षिय छोराको शब स्थानीयले फेला पारेको छ ।
घटनास्थलमा प्रहरीको टोली परिचालन भइसकेको छ । पहिरो र बाढीको क्षतिबारे अझै पूर्ण रुपमा जानकारी आएको छैन ।
