काठमाडौँ। अध्यक्ष तथा प्रधानमन्त्री केपी शर्मा ओली अनुपस्थित भएपनि सत्तारुढ नेकपाको स्थायी समितिको दोस्रो दिनको बैठक बसिरहेको छ ।
प्रधानमन्त्री निवास बालुवाटारमा बसिरहेको बैठकमा ओली अनुपस्थित भएपछि अर्का अध्यक्ष प्रचण्डले बैठकको अध्यक्षता गरेका छन् ।
बुधबार बसेको पहिलो दिनको बैठकमा ओली र अर्का अध्यक्ष प्रचण्डले आफ्ना धारणा राखेका थिए । ओलीले सरकारले गरेका कामको बचाउ गरेका थिए भने प्रचण्डले सरकार र पार्टी दुबैतर्फबाट काम हुन नसकेको बताएका थिए ।
७ बुँदे एजेण्डामाथि स्थायी समितिका सदस्यहरुले धारणा राख्ने काम भइरहेको छ । बैठकको सुरुमा प्रधानमन्त्री तथा अध्यक्ष ओली अनुपस्थित भएको विषयमा नेताहरुले असन्तुष्टि जनाएपछि महासचिव विष्णु पौडेलले प्रधानमन्त्रीले केहीबेरपछि आउने सन्देश पठाएको बैठकमा सुनाए । त्यसपछि नेताहरु चुप बसेका थिए ।
