ललितपुर । आसन्न वैशाख ३० गते हुने स्थानीय तहको निर्वाचनको लागि देशैभर सरगर्मी बढिरहेको छ । दलका उम्मेदवारहरु घरदैलोमा व्यस्त छन् । यसैबीच शनिबार बिहान नेकपा (माओवादी केन्द्र) बाट ललितपुर महानगरपालिका उपमेयरका उम्मेदवार बाबुराज बज्रचार्यसहित वडा नं ११ का उम्मेदवारहरु उत्साहपूर्ण रुपमा घरदैलोमा सहभागी भएका छन् ।
ललितपुर महानगरमा गठबन्धनको तर्फबाट नेपाली कांग्रेसबाट मेयरका उम्मेदवार चिरीबाबु महर्जन र माओवादी केन्द्रको तर्फबाट उपमेयरमा बाबुराज बज्राचार्य चुनावी मैदानमा छन् ।
शनिबार विहान भएको घरदैलो कार्यक्रममा उपमेयरका उम्मेदवार बाबुराज बज्राचार्यसहित वडा नं ११ मा वडाध्यक्षका उम्मेदवार सुरेश मान महर्जन, वडा सदस्यका उम्मेदवारहरु सहित माओवादी केन्द्रका नेताहरु सरोज डंगोल, लक्ष्मण महर्जन, सुशिल खनाललगायतका नेताहरु घरदैलोमा सहभागी भएका थिए ।
घरदैलो अभियानमा सहभागी उम्मेदवार तथा नेताहरुलाई मतदाता तथा जनताले टिका माला तथा खादा लगाएर सम्मान गरेका थिए ।
घरदैलो अभियानका क्रममा उम्मेदवारहरुले वडाका समस्याहरु समाधान गर्ने प्रतिबद्धता समेत ब्यक्त गरेका छन् ।
