जुम्ला । जुम्लामा विभिन्न पार्टी परित्याग गरि झण्डै डेढसय नेकपा माओवादी केन्द्र प्रवेश गरेका छन् । नेकपा एमाले, नेपाली काँग्रेस र नेपाल मजदुर किसान पार्टी परित्याग गरी १ सय ३० जना बुधबार माओवादी केन्द्र प्रवेश गरेका हुन् । नेकपा माओवादी केन्द्र जुम्लाका नेता तथा कर्णाली प्रदेश सांसद नरेश भण्डारीले त्यसको जानकारी दिएका हुन् । माओवादी प्रवेश गर्ने सबै तीलागुफा गाउँपालिकाका हुन् । बुधबार माओवादी केन्द्रको प्रथम तिलागाउँ सम्मेलन गरिएको थियो । त्यही क्रममा उनीहरु पार्टी प्रवेश गरेका हुन् । नवप्रवेशीहरुलाई सांसद गजेन्द्रबहादुर महत, पूर्व राज्यमन्त्री गोमा कुँवर लगायतका नेताले फूलमाला र अवीर लगाएर स्वागत गरेका थिए । उनीहरुले माओवादी केन्द्र नै गरिब, निमुखाको पार्टी भएकोले अन्य दल त्याग गरेको बताएका थिए ।
