ललितपुर । ललितपुरको कोन्ज्योसोम गाउँपालिकाले घरघरमा पुगेर सामाजिक सुरक्षा भत्ता वितरण गर्न थालेको छ । गाउँपालिकाले ज्येष्ठ, एकल महिला, अपाङ्गतायुक्त, दलित र बालपोषण भत्ता घरमै गएर वितरण गरिरहेको छ ।
सामाजिक सुरक्षा भत्ता रकम बैँकसम्म आएर भत्ता लिनलाई लाभग्राहीहरुलाई समस्या भएकाले घरसम्म पुगेर भत्ता बाडेको गाउँपालिकाका अध्यक्ष गोपीलाल सिङ्तानले जानकारी दिए ।
पहिलो दिन आज गाउँपालिकाको वडा नं. १ चौघरेबाट बाड्न शुरु गरिएको छ । घरमै आएर जनप्रतिनिधि र कर्मचारीले भत्ता दिँदा लाभगाह्री दङ्ग परेका छन् । दशै अगाडि कोन्ज्योसोमका ५ वटै वडामा सामाजिक सुरक्षा भत्ता बाडीसक्ने सिङ्तानको भनाई छ ।
कोन्ज्योसोम गाउँपालिका घरमै गएर सामाजिक सुरक्षा भत्ता दिने जिल्लाको पहिलो स्थानीय तह बनेको छ ।
