काठमाडौं । केयरगिभरका रुपमा रोजगारीका लागि इजरायल जानेहरुको अंग्रेजी भाषाको लिखित परीक्षा भदौ २८ गते हुने भएको छ।
इजरायलमा रोजगारीका लागि जान इच्छुकहरुले गत साउन १२ गतेदेखि साउन ३२ गतेसम्म वैदेशिक रोजगार विभागमा आवेदन दिएका थिए। विभागबाट स्वीकृत भएका आवेदकहरुमात्र अंग्रेजी भाषाको लिखित परीक्षामा सहभागी हुन पाउने विभागले जनाएको छ।
परीक्षा काठमाण्डौका विभिन्न केन्द्रमा दिउँसो १ बजेदेखि भौतिक उपस्थितिमा हुनेछ। छनोट भई जाने नेपाली कामदारको भिसा अवधि ५ वर्षको हुनेछ। मासिक कमाइ १ हजार ६०० अमेरिकी डलर हुने बताइएको छ।
