विराटनगर । नेकपा (एमाले) प्रदेश १ संसदीय दलको नेतामा भीम आचार्य चयन भएका छन् । बिहीबार विराटनगरको होटल एसियाटिकमा बसेको संसदीय दलको बैठकबाट आचार्य दलको नेता चयन भएका हुन् ।
मुख्यमन्त्री तथा संसदीय दलका नेता शेरधन राईको प्रस्तावमा आचार्य दलको नेतामा चयन भएको हो ।
एमाले संसदीय दलको नेतासमेत रहेका राईले राजीनामा दिने बताएका हुन्। उनले आचार्यलाई दलको नेता बनाएको जानकारी संसद सचिवालयलाई गराइसकेका छन्।
