काठमाडौं । लामो रस्साकस्सीपछि अन्ततः नेकपा एमाले दुई चिरामा बिभाजित भएको छ । केपी शर्मा ओलीले नेतृत्व गरेको एमालेबाट छुट्टिएर माधव कुमार नेपालले निर्वाचन आयोग पुगेर ‘नेकपा एमाले सामाजवादी’ दल दर्ता गराएका छन् ।
नेपाल समूहका नेताहरु आयोग पुगेका छन् । नेपाल नयाँ दर्ता भएको नेकपा एमाले समाजवादीको संयोजकमा रहेका छन् । ९५ सदस्यीय केन्द्रीय कमिटी हुने र चुनाव चिन्हमा खुला किताब प्रस्ताव गरिएको छ ।
केन्द्रीय समिति र संसदीय दल मध्ये कुनै एकमा २० प्रतिशत पुगेपनि दल विभाजन गर्न सकिने गरी हदैसम्मको लचक प्रावधान राखेर प्रधानमन्त्री शेरबहादुर देउवाले ल्याएको विवादास्पद अध्यादेशले तत्कालका लागि एमालेको माधवकुमार नेपाल र जसपाको महन्थ ठाकुर पक्षलाई ठुलो राहत दिएको छ ।
