ललितपुर । नेपाली कांग्रेस ललितपुरका जिल्ला सचिव भिमसेन घिमिरेको निधन भएको छ । आज बिहान ११ बजे पाटन अस्पतालमा उपचारको क्रममा घिमिरेको निधन भएको हो ।
नेपाली कांंग्रेसका पूर्वसभासद् तथा नेता रामकृष्ण चित्रकारले घिमिरेको निधन भएको पुष्टि गरेका हुन् । करिब दुई साताअघिदेखि घिमिरेको पाटन हस्पिटलको भेन्टिलेटर राखेर उपचार भइरहेको थियो । घिमिरे मृगौला रोगले विगत लामो समयदेखि पिडित थिए ।
