काठमाडौं । नेपाली कांग्रेसको वडा तहको अधिवेशन स्थगित भएको छ। साउन १२ गतेदेखि वडास्तरीय अधिवेशन गर्ने कांग्रेसको कार्यसूची थियो।
शनिबार कांग्रेस पदाधिकारी र पूर्वपदाधिकारीको बैठकले वडा अधिवेशन स्थगित गरेको कांग्रेसले जनाएको छ ।
कोरोनाले कतिपय जिल्लामा तयारी नपुगेको र केन्द्रीय क्रियाशील छानबिन समितिले साउन १२ गते बिहान प्रतिवेदन पेश गर्ने भएकोले त्यसपछि मात्र वडा अधिवेशन मिति तोकिने कांग्रेसले जनाएको छ ।
कांग्रेसको महाधिवेशन भदौ १६ गतेदेखि तोकिएको छ।
