काठमाडौं । नेकपा (एमाले) अध्यक्ष केपी शर्मा ओली समूह निकट रहेका तथा ओलीको क्याविनेटमा वनमन्त्री समेत भइसकेका प्रेम आलेले फ्लोर क्रस गरेका छन् । उनीसँगै ओली समूहकै अन्य तीन सांसदले समेत फ्लोर क्रस गरेका छन् ।
उनीहरुले एमालेको ह्वीप उल्लंघन गर्दै प्रधानमन्त्री शेरबहादुर देउवालाई विश्वासको मत दिएका हुन् । फ्लोर क्रस गर्ने सांसदहरुमध्ये ओली पक्षका ४ सांसद धनबहादुर बुढा, गोपाल बम, किसन श्रेष्ठ र प्रेम आले रहेका छन् ।
