काठमाडौं । काठमाडौंको निषेधाज्ञा १५ दिन थपिने भएको छ । कोरोना भाइरसको संक्रमण निकै तेज गतिमा फैलिएको र निषेधाज्ञाको प्रभावले काम गरेको देखिएपछि निषेधाज्ञा थपिन लागिएको हो ।
सोमवार बसेको जिल्ला कोभिड संकट व्यवस्थापन केन्द्र डीसीसीएसी काठमाडौंको बैठकले कडाइका साथ निषेधाज्ञाको अवधी लम्ब्याउने निर्णय गरेको हो ।
उपत्यकामा १६ गतेदेखि निषेधाज्ञा जारी गरिएको थियो । पछिल्लो पटक थप भएको अवधि २९ गते सकिंदैछ ।
