काठमाडौं । नेकपा (एमाले) अध्यक्ष केपी शर्मा ओली र नेता माधवकुमार नेपालपक्षका नेताहरूबीच प्रधानमन्त्री निवास बालुवाटारमा संवाद भएको छ । शुक्रबार चार बजेदेखि साढे सात बजेसम्म छलफल भए पनि कुनै निष्कर्षमा पुगिनसकेको एक नेताले बताए । यद्यपी संवादलाई निरन्तरता दिने विषयमा भने समझदारी भएको छ । छलफलमा ओलीको तर्फबाट उपमहासचिव विष्णु पौडेल, स्थायी कमिटी सदस्यद्वय सुवास नेम्वाङ र विष्णु रिमाल सहभागी थिए । नेपाल पक्षबाट उपमहासचिव घनश्याम भुसाल तथा सचिवहरू गोकर्ण विष्ट र योगेश भट्टराई सहभागी रहेको ती नेताले जानकारी दिए । छलफलमा नेपाल पक्षका नेताहरूले माओवादीसँग एकता गर्नुपूर्वकै अवस्थामा पार्टीलाई फर्काएर अगाडि बढ्नुपर्ने अडान नै दाहोर्याएका छन् । ओली पक्षका नेताहरूले भने त्यसभन्दा मध्यमार्गी बाटो खोज्नुपर्ने प्रस्ताव राखेको नेपाल पक्षका एक नेताले जानकारी दिए । शुक्रवार नै प्रधानमन्त्री ओलीले नेपालपक्षका नेता गोकर्ण विष्टसंग बालुवाटारमा छलफल गरेका थिए ।
