काठमाडौं । नेकपा (माओवादी केन्द्र) ले केपी ओली सरकारलाई दिएको समर्थन फिर्ता लिएको छ । पार्टी कार्यालय पेरिसडाँडामा माओवादी केन्द्रका उपलब्ध स्थायी कमिटी सदस्यको मंगलबार बसेको बैठकले सरकारलाई दिएको समर्थन फिर्ता लिने निर्णय गरेको हो ।
स्थायी कमिटी सदस्य लीलामणि पोखरेलका अनुसार बुधबार संसद् सचिवालयलाई सरकारलाई समर्थन छैन भनेर लिखित जानकारी दिने निर्णय भएको छ । योसँगै वर्तमान सरकार अल्पमतमा परेको छ ।
ओलीले आगामी २७ गते संसदमा विश्वासको मत लिने निर्णय गरेका छन्।
यस्तै, बैठकले लुम्बिनी प्रदेश सरकारलाई वैधानिक मान्यता नदिने निर्णय पनि गरेको छ ।
