काठमाडौं । नेपाल प्रहरीका ११ जना एसपीको एसएसपीमा बढुवा गर्न सिफारिस गरिएको छ ।
बुधबार सिंहदरबारस्थित गृह मन्त्रालयमा बसेको बढुवा समितिको बैठकपछि उनीहरुलाई बढुवा सिफारिस गरेको हो ।
प्रहरी प्रधान कार्यालयका अनुसार बढुवा सिफारिस सूचीमा एसपीहरु कृष्णकुमार महत, गोविन्दकुमार शाह, उमाशंकर पञ्जियार, अर्जुन चन्द ठकुरी, जनकराज पाण्डेय, सुरेन्द्रप्रसाद मैनाली, कृष्णहरि शर्मा पोखरेल, चक्रबहादुर सिंह, दिल्लीराज पन्त, मधुसुधन लुइटेल र मोहनप्रसाद पोखरेल छन् ।
सिफारिसमा परेका एसपीमध्ये महत, पञ्जियार र पाण्डेय एआईजी विश्वराज पोखरेलका ब्याची हुन् । बढुवा सिफारिसमा परेका अन्य अधिकृत पनि यसअघिका बढुवामा छुटेका एसपी हुन् ।
