काठमाडौं । पोखराको थ्रि सिस्टर्स एड्भेन्चर ट्रेकिङ प्रा.लि. युएन ओमन एसिया पेसिफिकको २०२० ओमन इम्पावरमेन्ट प्रिन्सिपलको लिडरसीप कमिटमेन्टमा फस्ट रनरअप बन्न सफल भएको छ । एसिया पेसिफिकभरीका लैंगिक समानतको क्षेत्रमा काम गर्ने संघसंस्था तथा ब्यवसायी मध्यबाट विभिन्न विद्यामा प्रतिस्पर्धा पश्चात छनोट गरी ‘युएन ओमन इम्पावरमेन्ट प्रिन्सिपल’ अवार्ड प्रदान गरिन्छ । यो अवार्डका लागि यस वर्ष नेपालको प्रतिनिधित्व गर्दै थ्रि सिस्टर्स फस्ट रनरअप बन्न सफल भएको हो ।
प्रतिस्पर्धामा हंकङ, सिंगापुर, मलेसिया, थाइल्याण्ड, तइवान म्यानमार लगायत ४१ वटा मुलुक सहभागी थिए । सहभागी मध्य सिङ्गापुर विजेत ाबनेको थियो भने भारत सेकेण्ड रनरअप बनेको थियो । उक्त प्रतिस्पर्धामा नेपाल पहिलो पटक सहभागी भएको हो । अवार्डले लैगिक समानता र पर्यटन क्षेत्रमा काम गर्न थप हौसला मिलेको थ्रि सिस्टर्सकी चिफ एक्जूकेटिभ डाइरेक्टर लक्की कार्की क्षेत्रले बताइन । पर्यटन ब्यवसायी कार्की लामो समयदेखि पर्यट क्षेत्रका काम सम्लग्न छिन् । पर्यटन क्षेत्रमा अग्रणी संस्थाका रुपमा रहेको थ्रि सिस्टर्स कम्पनी नेपालमा महिलाले मात्र सञ्चालन गरेकोे कम्पनी हो ।
थ्रि सिस्टर्स कम्पनीले नेपाल पहिलो पटक महिला पर्यटकका लागि महिला पथपर्दशक (गाइड) अबधारणा, उत्पादान र ब्यवस्थापन गर्ने कम्पनी हो । विभिन्न सामाजिक क्षेत्रमा समेत क्रियाशिल थ्रि सिस्टर्स कम्पनीले महिला तथा बालबालिकाको शिक्षा, महिला सशक्तिकरण र क्षमता विकास सम्बन्धी काम गर्दै आएको छ ।
त्यस्तै महिला पथपर्दशकका लागि तालिम र शिक्षा समेत दिँदै आएको छ । यस अधि पनि थ्रि सिस्टर्स कम्पनीले नेस्नल जोग्राफीबाट जिओ टुरीजम अवार्ड, विश्व विख्यात नाइक कम्पनीले अवार्ड प्रदान गरेको थियो ।
त्यस्तै इन्टरन्यासनल पिस टुरीमज अवार्ड जस्ता विभिन्न अन्तराष्ट्रिय अवार्ड जितिसकेको थ्रि सिस्टर्स कम्पनीलाई पूर्व अमेरिकी राष्ट्रपति विल क्लिटनले समेत प्रसंसा पत्र प्रदान गरेका छन् । थ्रि सिस्टर्स कम्पनीको संस्थापक लक्की कार्की, निक्की कार्की र डिक्की कार्की तीन दिदी बहिनी रहेका छन् ।
