रौतहट । रौतहटमा कुटपिट गरी छिमेकीको हत्या गर्ने दुई जनालाई प्रहरीले पक्राउ गरेको छ।
प्रहरीले हत्याको आरोपमा रौतहट वृन्दावन नगरपालिका वडा नं. ७, सखुवा धमौरा बस्ने १९ वर्षीय विकास पासवान र सोही स्थानका ५५ वर्षीय बिन्द पासवानलाई ईलाका प्रहरी कार्यालय गरुडा र प्रहरी चौकी हर्षाहाबाट प्रहरी टोली खटी ग्र्य कुटपीटमा संलग्नलाई पक्राउ गरिएको हो ।
विकास सहितको टोलीले सोमबार मादक पदार्थ सेवन गरी घर फर्कने क्रममा स्थानीय ५० वर्षिय अमिरी पासवानलाई गाली गलौज तथा कुटपिट गरी धकेलेर घाइते बनाएका थिए । कुटपिट गरी धकेल्दा पासवान लडी टाउकोमा गम्भिर चोट लागेको थियो ।
गम्भीर घाइते भएका अमिरीको गरुडास्थित सिटी अस्पतालमा उपचारका क्रममा राति सवा ८ बजे मृत्यु भएको प्रहरीले जनाएको छ ।
मृतको शव पोस्टमार्टमका लागि गौर पठाइएको र घटनाका बारेमा थप अनुसन्धान भइरहेको जिल्ला प्रहरी कार्यालय रौतहटले जनाएको छ ।
