रौतहट । माधवनारायण नगरपालिका–७ लौकाहा टोल बस्ने राम अजोध्या साह तेलीको १७ वर्षीया छोरी अमृता कुमारी साहको अपरिचित व्यक्तिहरूको गोली प्रहारबाट बुधबार राति मृत्यु भएको छ ।
आफ्नै माईतीघरमा आमासँग सुतिरहेको अवस्थामा आमा चर्पी गएको बेलामा ४/५ जनाको समूहमा आएका अपरिचित व्यक्तिहरूले अमृता कुमारी साहलाई गोली प्रहार गर्दा उनको घटनास्थलमै मृत्यु भएको हो ।
घटनाबारे खबर प्राप्त हुनासाथ जिल्ला प्रहरी कार्यालय रौतहट र ईलाका प्रहरी कार्यालय पिपरारज्वाडाबाट खटिएको प्रहरीले गोली प्रहार गर्ने अपरिचित व्यक्तिहरूको खोजी गर्नुका साथै यस सम्बन्धमा थप अनुसन्धान गरिरहेको छ ।
