ललितपुर । शिक्षा, विज्ञान तथा प्रविधिमन्त्री गिरिराजमणि पोखरेललाई कोरोना पोजिटिभ देखिएको छ । शनिबार राति ज्वरो आएर पाटन अस्पताल भर्ना भएका मन्त्री पोखरेलको पीसीआर परीक्षण गर्दा आइतबार कोभिड-१९ पोजिटिभ देखिएको उनको सचिवालयले जनाएको छ । पाटन अस्पतालको आइसोलेसनमा उपचाररत मन्त्री पोखरेलको स्वास्थ्यमा सुधार हुँदै गएको अस्पतालका उपकुलपति डाक्टर भरत यादवले बताए । यसैबीच मन्त्री पोखरेलको सचिवालयले उनीसँग सम्पर्कमा आएका सबैलाई सतर्क र सुरक्षित भइ पिसिआर परीक्षण गर्न आग्रह गरेको छ । शनिबार संस्कृति, पर्यटन तथा नागरिक उड्डयनमन्त्री योगेश भट्टराईलाई पनि कोरोना संक्रमण पुष्टि भएको थियो ।
