काठमाडौं । सर्वोच्च अदालतले वामदेव गौतमलाई राष्ट्रियसभा सदस्यका रुपमा काम गर्न नदिन अन्तरिम आदेश जारी गरेको छ । सर्वोच्च अदालतका न्यायाधीश डा. आनन्दमोहन भट्टराईको एकल इजलासले यस्तो आदेश दिएको हो ।
गौतमलाई राष्ट्रिय सभा सदस्यमा गरिएको नियुक्ति बदर गर्न माग गर्दै अधिवक्ताहरु दिनेश त्रिपाठी र बद्रीराज भट्टले सर्वोच्चमा दायर भएको रिटमा बुधबार सुनुवाइ भएको थियो।
राष्ट्रिय सभा सदस्य बन्न गौतमको योग्यता पुग्ने नपुग्नेबारे संवैधानिक इजलाशले निक्र्यौल गर्ने छ। त्यसका लागि असोज १४ गते सुनुवाइ तोकिएको छ भने सर्वोच्चले सरकारसँग उनलाई नियुक्ति गर्नाको कारण माग गरेको छ।
