काठमाडौं । ऊर्जामन्त्री वर्षमान पुन (अनन्त)का अंगरक्षकलाई कोरोना संक्रमण पुष्टि भएको छ । शुक्रबार मन्त्री पुनका अंगरक्षकमा कोरोना संक्रमण पोजेटिभ देखिएको रिपोर्ट आएको मन्त्री पुनको सचिवालयले जनाएको छ ।
अंगरक्षकमा कोरोना पुष्टि भएपनि मन्त्रीसहित २९ जनाको रिपोर्ट भने नेगेटिभ आएको छ । मन्त्री पुन अब ५ दिन आइसोलेशनमा बसेका छन् । बिहीबार नेपाली कांग्रेसका सभापति शेरबहादुर देउवाको सचिवालयका एकजनामा पनि कोरोना संक्रमण भएपछि उनी आइसोलेसनमा बसेका छन् ।
