काठमाडौं । सरकारले निषेधाज्ञा खुकुलो गराएसँगै काठमाडौं उपत्यकाका तीनै जिल्लामा कोरोना संक्रमित ह्वात्तै बढेका छन् । पछिल्लो २४ घण्टामा काठमाडौं, भक्तपुर र ललितपुरमा ६९६ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयको नियमित प्रेस ब्रिफिङमा जनाएको छ ।
मन्त्रालयका प्रवक्ता प्राडा जागेश्वर गौतमका अनुसार उपत्यकाका काठमाडौँमा ६२० , भक्तपुरमा ३८ र ललितपुरमा ३८ जनामा कोरोना पुष्टि भएको हो।
सरकारले भदौ ३ गते गरेको निषेधाज्ञा बिहीबारदेखि खुकुलो पारेपछि उपत्यकामा अहिलेसम्म सबैभन्दा बढीमा कोरोना संक्रमण भएको हो ।
