ललितपुर । २ नं. प्रदेशका आर्थिक मामिला तथा योजना मन्त्री विजय यादवको ललितपुर इमाडोलस्थित घरमा मंगलबार राती चोरी भएको छ ।
महालक्ष्मी नगरपालिका वडा नं. ४ इमाडोलस्थित बोजेपोखरीमा रहेको उनको घरमा चोरी भएको हो । चोरले १ लाख ८५ हजार नगद र दुई सेट मोबाइल चोरेको महानगरीय प्रहरी वृत्त, सातदोबाटोका डिएसपी मित्रबन्धु शर्माले जानकारी दिए ।
अर्को कोठामा सुतेका मन्त्री यादवका आफन्तको कोठाबाट पनि चोरी भएको शर्माले जानकारी दिए ।
अहिलेसम्म यस घटनामा कोही पक्राउ परिसकेका छैनन् । प्रहरीले चोरको खोजी गरिरहेको र यससम्बन्धी थप अनुसन्धान गरिरहेको डीएसपी शर्माले बताए ।
