काठमाडौं । नेपाल स्टक एक्सचेन्ज (नेप्से) बजार खुलेको १ मिनेटमै नेप्से सूचक ४ प्रतिशत बढेपछि शेयर कारोबार २० मिनेटको लागि स्थगन गरिएको छ ।
बजार खुलेदेखि नै उच्च रुपले बढ्न थालेको नेप्से सूचक १ मिनेटमा नै ४.०८ प्रतिशत अर्थात ६०.३४ अंकले बढेको छ ।
यस अवधिमा नेप्से सूचक ६०.३४ अंकले बढेर नेप्से १५३९.३७ विन्दुमा पुगेको छ भने ६ करोड ३१ हजार २१३ रुपैयाँ बराबरको कारोबार भएको छ । यस अवधिमा १ लाख ३६ हजार ७८ कित्ता शेयरको किनबेच भएको छ भने ६०८ वटा कारोबार भएको छ ।
सोमबार बजार खुला हुनुभन्दा अघि खोलिने प्रि ओपनिङ्ग सेसनमा नै नेप्से ५३ अंकले बढेर १ हजार ५३२ बिन्दुमा पुगेको हो।
