ललितपुर । ठगी गरेको आरोपमा ललितपुर–१५ खुमलटारबाट दुई जनालाई प्रहरीले आइतबार पक्राउ गरेको छ ।
पक्राउ पर्नेमा ३६ वर्षका नरेशकृष्ण श्रेष्ठ र ५० वर्षका विजय भन्ने हिराकाजी अवाले रहेको महानगरीय प्रहरी वृत्त सातदोबाटोले जनाएको छ ।
उनीहरुले थाइल्याणबाट सामान पठाइदिन्छु भनेर एलसी खोल्न लगाएको र सामान नपठाए ठगी गरेको अरोप छ ।
उनीहरुमाथि थप अनुसन्धान गर्न जिल्ला अदालत ललितपुरबाट ५ दिनको म्याद थप भइ थप अनुसन्धान भईरहेको वृत्त सातदोबाटोले जनाएको छ ।
