काठमाडौं । लामो समयपछि असार १५ गते खुलेको बजारमा पहिलो सर्किट ब्रेक लागेको छ।
बजार खुलेको ४० मिनेटमा नै नेप्से परिसूचक ४ प्रतिशत घटेपछि कारोबार २० मिनेटको लागि स्थगन गरिएको छ।
कारोबारको सुरुवाती ४० मिनेटमा नेप्से परिसूचक ४८.१७ अंकले घटेर १ हजार १५३.१७ अंकमा झरेको छ।
यस अवधिमा ६९ कम्पनीका १ लाख ८२ हजार ५४७ कित्ताशेयर ८ करोड ४२ लाख ७५ हजार रुपैयाँमा खरीद बिक्री भएका छन्। कारोबारमा आएका ११ वटै उप समूहका परिसूचक घटेका छन् ।
