काठमाडौं । शुक्रबार नेपाली बजारमा सुनको भाउ बढेको छ । बिहिबार छापावाल सुन प्रतितोला ८९ हजार ८ सयमा कारोबार भएकोमा आज १ सयले बढेको हो ।
नेपाल सुन चाँदी व्यवसायी महासंघका अनुसार शुक्रबार छापावाल सुन प्रतितोला ८९ हजार ९ सयमा कारोबार भइरहेको छ भने तेजावी सुन तोलाको ८९ हजार ४ सय ६० मा कारोबार भइरहेको छ ।
त्यस्तै, चाँदीको भाउ शुक्रबार प्रतितोला ५ रुपियाँले घटेको छ । शुक्रबार चाँदीको भाउ प्रतितोला ९३० रुपियाँमा कारोबार भइरहेको महासंघले जनाएको छ ।
