काठमाडौं । नेपाली बजारमा बिहीबार सुन र चाँदी दुवैको भाउ ह्वात्तै बढेको छ । एकैदिन सुनको भाउ प्रतितोला १३ हजार ३०० रुपैयाँ र चाँदीको मूल्य २६५ रुपैयाँले बढेको हो ।
नेपाल सुनचाँदी व्यवसायी महासंघका अनुसार बिहीबार सुनको भाउ प्रतितोला २ लाख ८८ हजार ९०० रुपैयाँ कायम भएको छ । बुधबार सुन प्रतितोला २ लाख ७५ हजार ६०० रुपैयाँमा कारोबार भएको थियो ।
त्यस्तै, चाँदीको भाउ पनि बढेको छ । महासंघका अनुसार बिहीबार चाँदी प्रतितोला ३ हजार ९२० रुपैयाँ पुगेको छ । बुधबार चाँदी प्रतितोला ३ हजार ६५५ रुपैयाँमा कारोबार भएको थियो ।
