काठमाडौं । नेपाली बजारमा सुनको मूल्य आज स्थिर रहेको छ भने चाँदीको मूल्य बढेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ९१ हजार ५ सय रुपैयाँ कायम भएको छ।
सोमबार सुनको मूल्य प्रतितोला ४ सय रुपैयाँ घटेको थियो। त्यसअघि आइतबार सुनको भाउ २ हजार ९ सय रुपैयाँले घटेको थियो। लगातार दुई दिन घटेको सुनको मूल्य आज भने स्थिर रहेको हो।
यता, चाँदीको मूल्य भने आज प्रतितोला ८५ रुपैयाँले बढेको छ। महासंघका अनुसार आज चाँदी प्रतितोला ४ हजार ४ सय १५ रुपैयाँमा कारोबार भइरहेको छ। सोमबार चाँदीको मूल्य ६० रुपैयाँ घटेर प्रतितोला ४ हजार ३ सय ३० रुपैयाँमा झरेको थियो।
यसअघि गत माघ १५ गते सुनको मूल्य प्रतितोला २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो। यो नेपाली बजारमा सुनको हालसम्मकै उच्च मूल्य हो।
त्यस्तै, गत माघ १५ गते नै चाँदीको मूल्य प्रतितोला ७ हजार ५ सय ५ रुपैयाँ पुगेको थियो। यो पनि नेपाली बजारमा चाँदीको हालसम्मकै उच्च मूल्य हो।
चाँदीको मूल्यमा भने गत माघ १८ गते एकै दिन प्रतितोला १ हजार ५ सय ६५ रुपैयाँको गिरावट आएको थियो। यो नेपाली बजारमा चाँदीको मूल्यमा आएको हालसम्मकै ठूलो गिरावट हो।
