काठमाडौं । नेपाल प्रहरीले जनपद प्रहरी समूहतर्फ विभिन्न पदमा ३ सय ३४ जनाका लागि नयाँ भर्ना खुलाएको छ।
प्रहरी प्रधान कार्यालयले शुक्रबार सूचना जारी गर्दै प्रहरी सहायक निरीक्षक (असई) सहित कार्यालय सहयोगी पदमा दरखास्त आह्वान गरेको हो।
सूचनाअनुसार प्रहरी सहायक निरीक्षक पदमा २ सय ११ जनाका लागि आवेदन माग गरिएको छ। त्यस्तै प्रहरी कार्यालय सहयोगीअन्तर्गत भान्छे पदमा ८३, हजाममा १५ र कुचिकारमा २५ जना माग गरिएको छ।
असई पदका लागि इच्छुक उम्मेदवारले असोज १२ गतेदेखि कात्तिक १० गतेसम्म आवेदन दिन सक्नेछन्। अन्य पदका लागि पनि प्रहरी प्रधान कार्यालयले तोकेको योग्यता र प्रक्रियाअनुसार आवेदन दिनुपर्नेछ।
दरखास्तसम्बन्धी विस्तृत जानकारी नेपाल प्रहरीको आधिकारिक सूचनामार्फत सार्वजनिक गरिएको छ।
