काठमाडौँ । मुगु केन्द्रबिन्दु भएर बुधबार बिहान दुईपटक भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार पहिलो भूकम्प बिहान १ः५१ बजे गएको थियो। उक्त भूकम्पको तीव्रता ४.५ म्याग्निच्युड रहेको केन्द्रले जनाएको छ।
त्यसपछि बिहान ४ः२८ बजे पुनः भूकम्प गएको हो। दोस्रो भूकम्प ४.२ म्याग्निच्युडको रहेको केन्द्रले जनाएको छ।
दुवै भूकम्प मुगु आसपास केन्द्रबिन्दु भएर गएको बताइएको छ। भूकम्पबाट भएको क्षतिबारे भने तत्काल कुनै विवरण प्राप्त भएको छैन।
